السلام عليكم ورحمة الله وبركاته
بداية أحب أرحب بكل زوار المدونة وبجد أسعدنى دخولكم وزيارتكم لتلك المدونة المتواضعة جدااااااااااااااااا
وبجد اود منكم كتابة مقتراحاتكم واى سلبيات تجدونها داخل المدونة
طبتم وطاب ممشاكم وطيب الله ثراكم يااااارب
وهذا طبعا اول كتابة لى فى تلك المدونة المتواضعة
بس تنبيه مهم جدااااااااااااااا
محدش يضحك ماشى؟
اكرر التنبيه محدش يضحك ..............
اياك اشوف حد بيضحك..........................
انت يالى هنااااااااااااااااك .... بتضحك على ايه ؟
انا قلت مفيش ضحك
قوم يالا اطلع برة................................... خلاص خلاص بطل عياط
بس لو شوفتك ضحكت تانى هتشوف هأعمل ايه
هحكى لكم يا بناتى وابنائى حكاية ماما ستو حكيتها لى عن جدتها عن جدة جدتها ..............................................................
كان يا مكان كان فيه رجل بيقول لمراته انا نفسى يا وهيبة فى حبة تقلية من ايديكى الحلوين دول
طبعا رد فعل وهيبة على عتريس كان زى ما تكون بطش ملوخية كده بالظبط .... طبعا كلكم عارفين طشة الملوخية ازاى!!!!!
وهيبة: نعم يا حبيبى؟؟؟؟ سمعنى تانى ... اصل انا كده سمعتك بتقول كلام غريب كده سمعتنى تاااااااااااااااااااااااااااااااانى بتقول ايه؟
عتريس: "وهو طبعا ميت فى جلده " نفسى فى حبة تقلية يا وهبهب
وهيبة: تقلية؟ بتقول تقلية؟ انت عارف تقلية يعنى ايه؟
عتريس : يعنى ايه؟
وهيبة: تقلية يعنى بصل .... وانت عارف كيلو البصل وصل كام دلوقتى؟
عتريس: كم يعنى؟
وهيبة: كيلو البصل دلوقتى يا عينى ب 4 جنيه.... انا ومستكة جارتنا بنشتري البصل من السوق السودة
عتريس: منصدم لا يرد
وهيبة: وياحسرة علينا مش عارفين نشتريها كمان من السوق السودة.... انا عندى بس بصلاية واحدة
عتريس: طيب حلو اعملى بيها التقلية
وهيبة: نعم يا خويا؟؟ ديه انا عايناها فى مكان ولا الجن الازرق يعرف مكانه
عتريس: ليه يعنى؟
وهيبة: علشان اعينها لغاية ما العيال يكبروا .... وافرجهم عليها واقول لهم شايفين كان زمان فى حاجة اسمها بصل
شوفتوا يا جماعة الحوار اللى بصل .... اقصد الحوار اللى حصل بين وهيبة وعتريس
سؤال يطرح نفسه ياترى الى اى مدى سيصل غلاء الاسعار ؟؟؟؟؟؟
وسؤال برضه مهم جدا ياترى اخر مرة عتريس ووهيبة شافوا فيها اللحمة كانت امته؟؟؟؟
Falling hearts Here
13 التعليقات:
ماشاء الله مدونه جميله
نتمنى الكتابه باستمرار
السلام عليكم ورحمة الله وبركاته
اسعدنا مروركم الكريم على المدونة المتواضعة جداااااااااا
وربنا يعزكم ويكرمكم ياااااااارب
السلام عليكم
حياكم الرحمن
ماشاء على الموضوع رائع
فكرنى موضوع اخويا لما كتب وقال
اتغديت كشرى وافتخر
وبكره نقول
اتغديت وافتخر
وربنا يستر من اللى بصل
قصدى من اللى حصل
السلام عليكم ورحمة الله وبركاته
اختي الحبيبة ..
ما شاء الله أسلوب حضرتك في الكتابة رائع ..
للأسف .. اختي ..
أصبح الغلاء هو سيد الموقف في عالمنا الحالي ...
حسبنا الله ونعم الوكيل
بارك الله فيكي اخيتي
ننتظر جديدكم ان شاء الله
÷هههههههههههههههههههههههههههههههههههههههههههههههههههههههههههههههههههههههههههههههههههه
والله انا مش بضحك على المدونة
أنا بضحك على القصة ...
بجد قصة رووووووووووعة
الى بصل .. قصدى الى حصل مهزززلة
شكرااا ليكى وبجد مدونة متميزة
أخوكى إخوانى حتى النخاع
http://ikhwangeeee.blogspot.com
كده زادوا واحد
السلام عليكم ورحمة الله وبركاته
جزاكم الله خيراا اخى فارس الأزهر وبجد اسعدنا مروركم الكريم على تلك المدونة المتواضعة
ربنا يكرمكم
السلام عليكم ورحمة الله وبركاته
حبيبتى فى الله سمية صدقا انتى لا تتخيلى انا فرحت بمقدار ايه لدخولك مدنتى وبجد اتمنى نكون اخوات فى الله
وطبعا هتطفل على مدونتك واحبك الذى احببتنى فيه يا حبيبتى
السلام عليكم ورحمة الله وبركاته
حبيبتى فى الله سمية صدقا انتى لا تتخيلى انا فرحت بمقدار ايه لدخولك مدنتى وبجد اتمنى نكون اخوات فى الله
وطبعا هتطفل على مدونتك واحبك الذى احببتنى فيه يا حبيبتى
السلام عليكم ورحمة الله وبركاته
اخى الفاضل حسام يحى انا اعتذر بجد عن تأخرى فى التدوين ولكن بصدق لظروف الكلية فيادوب لسه بحاول اعمل حاجة كويسة والله المستعان ودعوات حضرتك
وجزاكم الله خيرااااااااا
السلام عليكم ورحمة الله وبركاته
اخى الفاضل اخوانى حتى النخاع بجد انا م المعجبين بمدونتك حضرتك ربنا يجعلها فى ميزان حسناتك ويدخل السرور على قلوبكم يارب بما تبذلونه من جهد
وجزاكم الله خيراااااااااا
السلام عليكم ورحمة الله وبركاته
اخى جمعاوى روش طحن بجد كون حضرتك قلت كده زادوا واحد ههههههههه فصدقا ده حاجة تشرفنى وان كان ده شرف لا استحقه
فجزاكم الله خيراا على المرور
إرسال تعليق