باستأذنكم بس اوقف الدورة مؤقتا لسبب بسيط
ان جاء لى تاج من فترة وانا كنت بدأت الدورة فمعرفتش احل الاسئلة اللى كانت فيه
لكن الان استأذنكم انى احله وبعدين نكمل الدورة
التاج جاء لى من مدونة الاخ : (اخوانى حتى النخاع)
وربنا يكرمه يااااارب وجزاه الله خيرا وعذرا لتقصيرى فى زيارة مدونته
نبدأ بقا التاج
س1 : أذكر خمس أحلام على الاقل ..تخص ماضيك
1-اكون متخصصة فى الهندسة الوراثية
2-كنت نفسى ادرس الرسم يعنى اكون فنانة تشكيلية
3-اتعلم العزف على البيانو
4-بطلة فى اى رياضة وامثل بلدى
5-اتعين فى كلية العلوم
س2 : أذكر خمس أحلام على الاقل ..تخص مستقبلك
1-انهى حفظ كتاب الله
2-نفسى بجد انال الشهادة فى سبيل الله
3-اعمل فى التنمية البشرية
4-اكون زوجة كما يتمناها زوجى ان تكون
5-اكون طبيبة شاطرة ومتميزة فى مجالى
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا
1-جدى والد امى
2-واخت لى فى الله هى فى السعودية حاليا
س4: أعطيتك ثلاث وردات .. من هم الثلاث الأشخاص اللى هتهديهم الورد اللى معاك ؟؟
لخطيبى، امى، مشرفتى
لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟
انى اسفة لو زعلت حد منى،،، واسفة لو قلت كلمة صعبة لاى حد بدون قصد
انى مش عارفة اشكر ربنا ازاى على انه رزقنى بخطيبى ده وبكل حاجة دعيت بها ووجدتها
وبادعى ربنا يهدى شباب المسلمين ويجعل منهم شباب صالح يعيد مجد الاسلام
س5 : ما هو هدفك فى الحياة ؟؟
رضا ربنا والفردوس الاعلى من الجنة وان زوجى يكون زوج الدنيا والاخرة
إن شاء الله بكرة هيكون أحسن من النهارده"
س6 : هل تصدق هذه المقولة ؟؟ و لماذا ؟؟
اكيييييييييد
لان ده الاصل " تفاءلوا بالخير تجدوه"
س7 : أجمل مقولة سمعتها فى حياتك ؟؟
اساس التميز الحركى هو التميز العبادى
س8 : من المغنى اللى بتحبه أوى
احمد ابو خاطر
و إيه أحلى أغنية ليه بتحبها ؟؟
last breath
س9 : غزة" تمثل لك إيه فى حياتك ؟؟"
يا الله ....بتمثل لى الجهاد فى سبيل الله
وقرب تحيق الامل بنيل الشهادة
س10 : أعطى لإنتمائك لوطنك درجة من مائة ؟؟
مش عارفة لو قلت 100% باكون ببالغ ولا ايه
لكن انتماء بدون تعصب لبلدى يعنى وطنى حدوده اخر شبر فيه دم مسلم
س11 : لو تزوجت و أنجبت بنتين و ولدين أى الأسماء تختار لهم ؟؟ا
لأولاد ( نضال ومعاذ)
البنات ( تقى وأسيل)
س12 : عمرك غشيت فى أمتحان و انت صغير
الحمد لله الذى عافانا
س 13 :لو أتعرض عليك رشوة كبيرة و انت فى زنقة ماليه هتعمل إيه ؟؟
مش هاقدر اقبلها على دينى ونفسى ابداااااا
س14 : قول 3 صفات ب 3 كلمات بس توصف بيهم شخصيتك
حساسة،رومانسية، طيبة
س 15 : برضه بكلمة واحدة ايه اهم صفة عايزها في شريك حياتك
ههههههههههههههههه
انا خلاص اتخطبت وعقدت كمان فأنا عايزاه زى ما هو كده
س16 : ايه المجال اللى غير دراستك وشايف نفسك فيه قوي
محاضرة فى التنمية البشرية
س17 : بتحب السفر؟
ايوة بس مش لوحدى واكون مع حد باحبه
س 18 : طب دلوقتى حالا ايه المكان اللى نفسك تكون فيه
المسجد الاقصى
س19 : تمرر التاج ده لمين ؟؟
صوت الحرية
بس هو مابحبش التاجات
مدونة اختكم فى الله
المرحوم فى التلاجة
26 التعليقات:
ماشاء الله نقدر نسميه
تاج
بس اجاباته نموذجيه طبعا
ماشاء الله
ربنا يوفقك يااااااارب
ويرزقك الذريه الصالحه ان شاء الله
:)
وشكرا على التاج
هاحله ان شاء الله
مع اخوانه التاجات اللى عندى
ماشاء الله اجابات متميزه وصفات جميله
ويا رب تتحقق احلامك يااااااااااااااااااارب
ومدونه رائعه انا حطيتها في المفضله
تقبلي مروري
السلام عليكم ورحمة الله وبركاته
حبيبتي ...رد إلي روحي .
ما شاء الله إجاباتك رائعة ..
بارك الله فيكِ وأعزكِ وحقق لكِ أمانيكِ ..
بانتظار زيارتكِ لمدونتي ..
__
أختك::
سمية_بنت البنا_
حبيبتي رد الي روحي
اجاباتك جميلة ماشاء الله
انا بشكرك جدا علي التاج انا حليته عندي ومستنياك تزوريني عشان تشوفيه
السلام عليكم
معلش علشان مقصر فى الزيارة
بجد معلش جداااااااااا
وبجد إجابات حلوة أوى
بس شكلك لسا خاطبة من قريب خااااالص
لأنى انا متابع المدونة من زمان ومكنشى فيه زغاريد ولا انا اتجوز ولا حاجة من دى
وانا أول مرة اعرف إنك مخطوبة
المهم يععنى .. ربنا يبارك ليكى وفى زوجك
وفيه تعليق صغييييير اوى على السؤال دا
"
س17 : بتحب السفر؟
ايوة بس مش لوحدى واكون مع حد باحبه
"
يعنى مين ؟؟!!!
ههههههههههههههههههههههههههههههههههههههههههههههههههههه
يلا .. بلاش إحراج
معلش بقا .. تقلنا عليكو
السلاموو عليكوو
السلام عليكم ورحمة الله وبركاته\
اخى المدون الفاضل:
حسام يحي
اسعدنى كثيرااااا تشريفك للمدونة
جزاكم الله خيرااااا
السلام عليكم ورحمة الله وبركاته
اخى حسن حنفى
اعزكم الله ونفع بكم الاسلام والمسلمين ياااارب
السلام عليكم ورحمة الله وبركاته
حبيبتى سمية
انا سعيدة جداااا انا شرفتى المدونة
واكيد طبعا دخلت وقرأت الاجابات الجميييييلة
حياكم الله
السلام عليكم ورحمة الله وبركاته
حبيتى اختكم فى الله
اعزكم الله ربنا يكرمك
وما شاء الله اجاباتك متميزة فعلااااااا
حياكم الله
والان نأتى للاخ اخوانى حتى النخاع
وما شاء الله على ملاحظاته المتميزة
يا فندم انا اتخطبت 27\6
عقدت8\7
وانكسفت اكتب على المدونة فمعذرة بجد
اما الملاحظة الخطيرة بتاعة السؤال رقم 17
س17 : بتحب السفر؟
ايوة بس مش لوحدى واكون مع حد باحبه
"
يعنى مين ؟؟!!!
بصراحة كنت اقصده هو
بس انكسفت وكده يعنى هههههههههه
ربنا يكرمك
وفى الفرحة بقا هاعمل عزومة كبييييييرة ان شاء الله
جزاكم الله خيرا على الزيارة
اجابات جيدة وألف مبروك على الخطوبة وعقبال بقية شباب مصر!!
قولوا آمين
جزاكم الله خيرا
بصى بدون مبالغه قد ما حالتى كانت عامله آيه فتره ما قرات تعليقك
لكن والله سعيده انى عرفت مدونه زيك
جزاك الله خيرا
حبيبتى فى الله
انى أحبك فى الله
أكرمك الله بكل حرف صدق كتبتيه فى هذا التاج
والأنشوده تكاد تنفطر القلوب لها
الله يعزك
ويكرمك يارب
السلام عليكم اختى الكريمة
وبلاش واقول ياحمامة السلام علشان ماحدش ياخد باله........
بصراحة ما شاء الله الاجابات تنم عن حاجات كتير فى شخصك- فهمك- تربيتك-عمق تفكيرك-جمال الطابع مما ينبئ بانك ان شاء الله هتكونى ام لخير ذرية وهيه ذرية الجيل الفاتح ان شاء الله وبكده تكونى ربيتى الشهداء وده اصعب من انك تموتى شهيدة انك تتركى اثر وراكى يحمل نفس الفكرة يحمل هم دعوتنا.
وخدى بالك من ان كتير من الناس يحبوا الموت فى سبيل الله لكن القليل اللى بيحب ان هوه يعيش فى سبيل الله.
ربنا يجعلنا واياك من القله القليله اللى تحيا فى سبيل الله وفى سبيل دعوتنا ويرزقنا حسن الخاتمة ان شاء الله.
رد الي روحي
فين البوستات الجديده
كل ده غيااااااااااب
مستنيين الجديييييييييييد
السلام عليكم ورحمة الله وبركاته
اخى اسلام اعزكم الله وربنا يبارك فيك ياااااارب
حبيبتى فى الله
عاشقة الاقصى
بجد انا شرفنى كونك دخلتى المدونة
وزادنى شرفا انك رديتى على موضوعى
ربنا يعزك ياااااارب
باشمهندس احمد
ربنا يعزك ويكرمك ويرزقنا واياكم الشهادة يااااارب
جزاكم الله خيراااا
ومنتظرين مساهمتكم معنا فى الدورة
حياكم الله
اخى
حسن حنفى
معذرة للتأخير
وان شاء الله هينزل بوست جديد
اجابات متميزة فعلا
اعطاكم الله ماتمنيتم ووقاكم ماتحذرون وجعلكم كما يحب ويرضي
وجزاكم الله كل خير
بنحاول نتغير 5
ياريت تشرفونا و تقروا الفكرة و تقولولنا رأيكم
السلام عليكم ورحمة الله وبركاته
الفاتح الجعفرى
اعزكم الله وتقبلوا تحياتى دمتم على خير
اختى فى الله
جزاكم الله خيراااا على دعوتكم
وان شاء الله يشرفنى اشارك معاكم
انتى فين يا أختنا
رحمتينا من زيارتك ليه
انى احبك فى الله
في مصيبة عندي في المدونة
حبيبتى عاشقة الاقصى
عذرا شديدااااا
بس هى ظروف الدراسة والدعوة
فانتى تعلمين الواجبات اكثر من الاوقات
لكن طبعا وحشتنى مدونتك وبسرعة هاروح هناك
انى احبك فى الله
اخى حادى الارواح
جاااااااارى دخول المدونة
إرسال تعليق